Skip to content How to Make Fruit Custard: garmiyon ya kisi bhi khas mauke par kheer aur halwe se hatkar kuch alag aur refreshing khana ho to fruit custard sabse behtarin aur jhatpat banne wali desert hai. yeh bachchon ka bhi all-time favorite hota hai kyonki isme dudh, malai aur dher sare rang-birange fal hote han.
How to Make Fruit Custard: jab bhi kuch meetha khane ka man ho, to aksar hamare dimag mein kheer ya halwe ka hi naam aata hai. lekin har baar ek jaisi chijen khakar boriyat hone lagti hai. aise mein agar aap kuch aisa chahte hain jo banane mein aasan ho, khane mein swadisht ho aur bachchon se lekar badon tak sabka dil jeet le to fruit custard se behtar kuch nahin ho sakta.
doodh ki malaidar criminess aur taaje, rang-birange falon ka khatta-mitha swa. yah mail har kisi ko pasand aata hai. sabse acchi baat yah hai ki yah jhatpat taiyar ho jata hai aur fridge mein thanda hone ke baad iska maja doguna ho jata hai. to is baar khir-halve ko kahen alvida aur ghar par banaen yah majedar, thanda-thanda fruit kasterd. aaie jaante hain ise banane ki aasan aur perfect racipi:
aavashyak samagri (Ingredients)
ful cream dudh: 1 litre
custard powder (vainila flaver): 3 se 4 bade chammch
chini: ¾ cup (swadanusar)
manpasand fal (barik kate hue): seb, kela, anar ke dane, angoor, aam ya papita (dhyan rakhen: khatte fal jaise santra ya mausambi na dalen, isse custard fatne ka dar rahata hai)
drai fruits (vaikalpik): thode se kate hue badam aur pista (garnishing ke liye)
cream ya fresh malai (upar se dalne ke liye)
fruit custard banane ki vidhi
ek bhari tale wale bartan mein 1 litre doodh ubalne ke liye rakhen. jab doodh mein ek ubaal aa jaye, to aanch dhimi kar den.
ubalte hue doodh mein se lagbhag aadha cup doodh alag ek katori mein nikaal kar thoda thanda kar len. ab is gungune ya thande doodh mein 3-4 chammach custard powder daalkar acchi tarah milaen. dhyan rahe ki isme koi gaanth (lumps) nahin rahni chahiye.ab is custard ke ghol ko ubalte hue doodh mein thoda-thoda karke dalen aur lagatar karchhi ya chammach se chalate rahen, taki neeche chipke nahin.kasterd powder milane ke baad isme chini daal den. ise madhyam aanch par 7 se 8 minute tak lagatar chalate hue pakayen jab tak ki mishran acchi tarah gadha aur malaidar na ho jaye. iske baad gas band kar den aur custard ko puri tarah se thanda hone ke liye chhod den.jab custard room temperature par puri tarah thanda ho jaye, tab isme apne manpasand kate hue taaje fal aur anar ke daane mila den. hamesha custard ko thanda karne ke baad hi fal milaen. varna fal pani chhod sakte hain aur custard patla ho sakta hai. taiyar fruit custard ko dhakkar 2 se 3 ghante ke liye fridge mein rakh den taki yah aur adhik chill aur creamy ho jaye.
sarv karte samay upar se fenti hui malai, thode se anar ke daane aur kate hue badam-pista se garnish karen. bachchon ko yah thanda-thanda creamy desert bahut pasand aaega.—- samapt —-
